Póstlisti fyrir Hafnartorg
Helstu tölur:
• Fjöldi bygginga: 7
• Heildarstærð: 23.350 fm
• Fjöldi íbúða: 76
• Þjónusta og verslun: 8.000 fm
• Skrifstofuhúsnæði: 6.400 fm
• Bílastæði: Neðanjarðar með tengingu við Hörpu
• Áætluð verklok: 2018
VERKEFNIÐ
Um þessar mundir fara fram umfangsmestu framkvæmdir sem gerðar hafa verið í miðborginni við hafnarsvæðið í Reykjavík. Svæðið er þekkt sem „Hafnartorg“ eða „Harbour Square“ og tengir verkefnið gamla miðbæinn við menningarbygginguna Hörpu og dregur þar með úr skiptingunni á milli hins gamla og nýja. Þar að auki mun verkefnið, sem samanstendur af sjö ólíkum byggingum, skapa almannarými sem ýtir undir hreyfingu í gegnum svæðið frá aðliggjandi stöðum.
Hafnartorgið mun mæta vaxandi þörf á húsnæðisrými í hinni vinsælu miðborg Reykjavíkur með verslunum, kaffihúsum, veitingastöðum, íbúðum og nútímalegum skrifstofum.
Niðurstaðan er samræmt svæði sem sameinar gamla bæinn og nýja hafnarsvæðið en heldur samt fast í hina litríku hefð Reykjavíkur.
Hafnartorg – kærkomin viðbót við vaxandi borg.
UM ÞG VERK
ÞG Verk hefur verið framkvæmdaraðili að mörgum stórverkefnum á undanförnum áratugum og hefur m.a. byggt íbúðir, skrifstofur og verslanir. Sterk staða fyrirtækisins á íslenskum markaði er mikilvægur þáttur þegar kemur að framkvæmd verkefna og þetta hefur hjálpað okkur að tryggja samstarf við lykilaðila á Íslandi. Á meðal samstarfsaðila okkar er einn af leiðandi bönkum landsins og er verkefnið að fullu fjármagnað.
Reykjavík Development ehf. keypti landið sem um ræðir árið 2013 og í byrjun sumars 2016 keypti ÞG Verk verkefnið í heild sinni. Við fundum fyrir þörf á vel skipulögðu svæði í miðbæ Reykjavíkur sem hægt væri að bjóða kaupendum með kröfur þegar kemur að aðgengi, lúxus, einkarétti og nýstárlegri hönnun.
HUGMYNDIN
Ýmsir þættir hafa mótað verkefnið. Afgerandi þáttur var skortur á rými fyrir bæði verslanir og íbúðir í hinni vinsælu miðborg Reykjavíkur. Að heiðra sögu staðarins og varðveisla fornleifa átti sinn þátt í ferlinu. Með þetta að leiðarljósi sameinast byggingarnar inn í núverandi mynstur borgarinnar og tengjast við höfnina sem er steinsnar í burtu.
Rými á jarðhæð eru ætluð verslun og þjónustu, en efri hæðirnar eru fráteknar fyrir lúxusíbúðir og skrifstofurými. Gróðursælir garðar á þökum bygginganna verða aðgengilegir öllum íbúum og þeir mynda leynt athvarf innan um litrík húsþök Reykjavíkur.
Í meginatriðum skapar verkefnið fjölbreytt rými sem rúmar vinnustaði, fjölskyldulíf og afþreyingu, ásamt því að styðja við núverandi starfsemi í hinni líflegu og litríku miðborg.
Arkitektastofan PK Arkitektar, sem einnig hefur unnið við friðarsúluna eftir Yoko Ono og íslenska sendiráðið í Berlín, leiðir verkefnið.
ÍBÚÐIR
Hafnartorg mun samanstanda af 76 lúxusíbúðum af ýmsum stærðum, meðal annars stílhreinum stúdíóíbúðum og þakíbúðum með útsýni. Mikið hefur verið lagt í val á innréttingum og er það til marks um hversu vandað verkefnið er. Sérlega vönduð heimilistæki eru í öllum íbúðum og staðsetningin er auðvitað einstaklega þægileg í grennd við menningu, sögu og verslanir. Á Hafnartorgi færðu lúxusfasteignir í hjarta Reykjavíkur með tengingu við hina íslensku arfleifð.
Miðborg Reykjavíkur er sívinsæl meðal listamanna, stjórnmálamanna, atvinnurekenda og þeirra sem hreyfa við og hrista upp í menningunni og viðhorfum þjóðarinnar.
Hafnartorg er lifandi vettvangur í hjarta borgarinnar þar sem bestu verslanir og veitingastaðir í heimsklassa eru bókstaflega handan við hornið.
Skrifstofurýmin okkar eru tilvalin fyrir:
• Lögmannsstofur
• Fyrirtæki í eignastýringu
• Ráðgjafafyrirtæki
• Arkitekta
• Einkarekna banka
• Almannatengslafyrirtæki
• Hönnunarstofur
• Sendiráð
• og aðra starfsemi
Reginn, eitt stærsta fasteignafyrirtæki landsins, hefur nú þegar keypt öll verslunarrýmin á jarðhæð. Reginn stýrir Smáralind, stærstu verslunarmiðstöð Íslands, og hefur því mikla reynslu af því að leigja út verslunarrými. Þessi staða Regins mun gera Hafnartorg að einum helsta verslunarstað landsins sem eflaust mun laða enn fleiri erlenda aðila á svæðið.
Á Hafnartorgi verður auk þess að finna ótal skrifstofurými í tveimur byggingum, samtals 6400 fm. Þessi rými eru tilvalin fyrir bæði innlend og erlend fyrirtæki sem vilja setja upp skrifstofur í öruggu, áhugaverðu og fjölbreyttu umhverfi í hjarta Reykjavíkur.
VERSLUN
Ísland er aðili að EES-samningnum og lagalegt umhverfi innan hans er á margan hátt svipað og innan ESB. Efnahagslega er Ísland stöðugur markaður og áætlaður hagvöxtur er í kringum 3%. Þessar horfur eru ekki síst vegna vaxandi ferðaþjónustu sem hefur orðið ein af helstu atvinnugreinum landsins undanfarin ár. Góðum farþegaflutningum inn og úr landinu er vissulega að þakka, ásamt sameiginlegu þjóðarátaki í markaðssetningu og einstökum náttúruperlum. Metfjöldi flugfélaga leggur leið sína í gegnum Keflavíkurflugvöll sem er bein afleiðing af þessari vaxandi atvinnugrein. Þar sem fleiri og fleiri ferðamenn velja að verja tíma sínum á Íslandi þarf borgin að laga sig að mismunandi smekk, kröfum og áhugamálum, án þess þó að víkja frá þeirri gestrisni sem Íslendingar eru þekktir fyrir.
HÚSNÆÐISMARKAÐURINN
Samkvæmt Hagstofu Íslands hefur fasteignamarkaðurinn vaxið jafnt og þétt undanfarinn áratug, sem endurspeglast bæði í verðmæti eigna og þeirri staðreynd að eigendur fasteigna standa undir 60% af markaðnum. Í miðbæ Reykjavíkur er mikil eftirspurn eftir fasteignum og einingar í 101 Reykjavík, hjarta borgarinnar, eru sögulega meðal verðmætustu eigna á Íslandi. Sem stendur er ekkert sem bendir til þess að þetta muni breytast. Þróunin undanfarin fimm ár bendir til þess að markaðsvirði muni halda áfram að hækka á meðan spáð er 3% hagvexti á ári.
Eftirspurn eftir gistirými fyrir ferðamenn er í sögulegu hámarki, sem þýðir að vel staðsettar íbúðir geta auðveldlega orðið aðlaðandi valkostur fyrir auðuga ferðamenn í leit að fyrsta flokks staðsetningu, lúxus og þægindum.
Verum í sambandi
Nú býðst þér tækifæri til að tryggja þér vandaða fasteign á besta stað í vaxandi og lifandi miðborg.
Hafnartorg – þinn griðastaður í Reykjavík.
