Undanfarin misseri hefur ÞG Verk unnið að því að styrkja gæðakerfi sitt til að bæta stjórnun, verklag og skjalavistun í framkvæmdum sínum og styðja við gæðastefnu fyrirtækisins.
Síðastliðið sumar var svo stigið það skref að óska eftir vottun á gæðakerfinu skv. ISO 9001:2015 og var BSI valið til verksins. Úttektir fóru fram í júlí og ágúst og vottunarskírteini var gefið út 23. október síðastliðinn. Vottunin hefur gildistíma til þriggja ára með árlegu eftirliti vottunaraðila á gildistímanum.
Umfang gæðakerfisins er: Mannvirkjagerð og verkefnastjórnun í mannvirkjagerð. (General construction and building project management).
